El veleru Atyla tornará a Xixón en Selmana Santa

Amarrará nel Puertu Deportivu el 8 y 9 d’abril

0
164

El veleru clásicu Atyla recalará de nueves en Xixón en Selmana Santa. Esta goleta de dos palos construyida en maera en 1984 amarrará nel Puertu Deportivu el 8 y 9 d’abril. Esti últimu día, la tripulación ufrirá una xornada de puertes abiertes de baldre de 16:00 a 19:00h. Esti gran veleru mide 31 metros d’eslora y 7 de manga y tien 9 veles (dos d’elles prietes) que sumen más de 400 metros cuadraos. Ta gobernáu pola Fundación Atyla, una organización ensin ánimu d’arrequecimientu que promueve xeitos vitales como la intelixencia emocional, l’andecha y la resiliencia. La fundación ufre viaxes d’aventura pa trabayar nestos xeitos.

El viaxe a Xixón entamará en Bilbao, onde’l veleru tien la base, el 5 d’abril. Navegará parando en San Xuan de Gaztelugatxe y en San Sebastián-Donosti. El día 9 d’abril partirá de Xixón de vuelta a Bilbao, con paraes previstes en Suances, Santander o Laredo. El restu’l branu, va percorrer rutes per Francia, Países Baxos, Reinu Xuníu y Alemaña.