El ciclista xixonés Mauro Rato Castrillo ñacíu en Xixón en 1994 ta acabante dar el saltu al ciclismu profesional tres el so fichaxe pol equipu angoleñu del Bai Sicasal Petro Luanda. Esti deportista asturianu provinién d’una familia con tradición ciclista de gran trayectoria, yá que’l so güelu foi’l fundador de la Escuela de Ciclismu de Les Mestes, tamién en Xixón.
Dende la Federación Asturiana de Ciclismu espliquen que «Mauro ye un productu 100% asturianu y pasó peles escueles de ciclismu del Coque Uria, Carreño, Les Mestes y Cualloto». El ciclista xixonés tuvo tamién percorríu nos Estaos Xuníos, onde tuvo cinco años, tornando dempués a Asturies pa recalar nel Kouta Paulino y esta temporada corrió a les órdenes de Baldomero Martinez nel C.C.Colloto.
Mauro Rato suma na so carrera dellos ésitos deportivos, ente los que tuvieron ser campeón xuvenil d’España y campeón absolutu de ciclismu universitariu nos Estaos Xuníos. Tuvo una importante lesión por cayida de la qu’alitó con esfuerciu y ensin dexar atrás la so formación, llicenciándose nos Estaos Xuníos en Xestión deportiva y equí en Nutrición.
