Enrique Fernández, conseyeru d’Industria, Empléu y Promoción Económica

0
852

Enrique Fernández Rodríguez (Samartín del Rei Aurelio, 1974) ye’l nuevu conseyeru d’Industria, Empléu y Promoción Económica del Gobiernu d’Asturies. Ye llicenciáu n’Alministración y Dirección d’Empreses pola Universidá d’Uviéu, onde tamién se doctoró con un premiu estraordinariu. La so trayectoria profesional tuvo venceyada a esta institución académica, onde exerció como profesor d’Economía Financiera nel Departamentu d’Alministración d’Empreses ente 1997 y 2011 (anguaño n’excedencia).

Nel ámbitu políticu, foi alcalde de Samartín del Rei Aurelio ente 2011 y 2019. Dende 2015 trabayó como miembru del Conseyu Territorial de la Federación Española de Conceyos y Provincies (FEMP), foi voceru socialista na Comisión de Desenvolvimientu Económicu y Empléu de la FEMP, y miembru del conseyu de gobiernu de la rede de conceyos pola tresparencia de la federación. Dende 2017, pertenez al comité federal del PSOE y a la executiva rexonal de la FSA como secretariu de la área de Política Económica, Industria, Empléu ya Innovación.