Entama la temporada del Sporting Genuine

José Alberto y el so cuerpu técnicu dieron una gran sorpresa a los futbolistes

0
86
Entama la temporada del Sporting Genuine
José Alberto saluda a los xugadores. / Chus Monteserín (Real Sporting)

El Sporting Genuine empezó la nueva temporada apinaos d’ilusión y ganes por esfrutar del fútbol y el compañerismu. Los mozos empobinaos por Diego Fuertes, Maria H. Nonide y Miguel Prado recoyeron la ropa de la nueva temporada y fixeron una primer toma de contactu col verde artificial del campu númberu 9.

L’entrenamientu del miércoles tuvo una gran sorpresa para los mozos yá que foi dirixíu por José Alberto, Iván Hernández, Jorge Sariego y Fran Albert. Caún, cola so función, fueron ayudando a los futbolistes nes distintes xeres d’entrenamientu y dando conseyos pal futuru. Un día que nun van escaecer y que sirve como pistoletazu de salida pal Sporting Genuine.