El Conceyu de Xixón entamó esti llunes les obres de remodelación de la cai Ríu d’Oru ente les cais Pérez de Ayala y Frai Ceferino González. Esti proyectu supón la renovación integral de la zona, incluyendo les ceres, el vial y les redes d’allumáu, saneamientu y suministru. Tamién contempla la incorporación de nuevu moblame urbanu y zones verdes.
En concretu, van ampliase les ceres pa dar continuidá a les nueves alliniaciones del tramu remocicáu y ameyorar l’accesibilidá. Pa ello, va reordenase’l tráficu y l’espaciu qu’anguaño ta ocupáu por un aparcamientu de motos y por contenedores de recoyida de borrafes na intersección cola cai L’Argandona. L’actuación entiende, en total, 1.590 metros cuadraos. Primeramente va dar en la baltadera de tola superficie actual, a la sustitución de tolos servicios urbanos y a la preparación del terrén con zahorras. A lo último, va asitiase la nueva pavimentación y xardinos.
La obra foi axudicada a Construcción Estévez Mena y va realizase xunto cola Empresa Municipal d’Agües con un presupuestu de contratu de 447.700 euros. El plazu d’execución ta afitáu en cuatro meses, por tanto, ta previstu que los trabayos concluyan el 22 d’ochobre.
