Equinocciu de seronda nel Botánicu

L’actividá xúnese a la 'Selmana de la Movilidá'. Si llegues en bus, la entrada pa esi día sedrá de baldre

0
115
Vista del Xardín Botánicu de Xixón
Vista del Xardín Botánicu de Xixón

El Xardín Botánicu saluda esti domingu la llegada de la seronda con un programa enllenu d’actividaes pa esfrutar del día. Talleres, música, visites guiaes, teatru, gymkhana… van protagonizar la xornada. Anguaño, celebramos la llegada de la seronda xuniéndonos a la ‘Selmana de la Movilidá’. Poro, quien s’avere al Botánicu en bus va tener la entrada de baldre pa esi día. Namái ye preciso presentar el billete en papel o la tarxeta de tresporte.

TALLER INFANTIL: con Desfaciendo Maíz. De 12:00 a 13:30 h
Percorríu pela zona de frutales pa identificalos y conocer les sos carauterístiques. Darréu, fabricaremos saquinos perfumaos con cortezos de naranxa deshidrataos, llana natural d’oveya, frutos y fueyes d’ocalitu y con arume a menta. Pa terminar, habrá preba de zusmiu de naranxa natural. Ye necesaria inscripción previa.
Duración: 90 minutos.
Preciu: 6 euros (-15% pa socios Club Miruéndanos)
Aforu: 25 neños y neñes d’ente 6 y 12 años

Preba: ZUSMIOS NATURALES, con David Fernández-Prada (Gustatio). 12:00 h
Preba de zusmios naturales de fruta recién estrucío. Van prebase cuatro zusmios diferentes –caún ellaboráu con delles frutes, dalgunes exótiques– xunto cola fruta nel so estáu natural, pa poder contrastar los sos sabores distintos y les sos testures. Mentanto qu’esfrutamos de cada zusmiu, falaremos de los sos trazos, les vitamines y los beneficios pal organismu. Ye necesaria inscripción previa.
Preciu: 4 euros (inclúi la entrada al Botánicu)
Aforu: 50 persones

Conciertu: CUARTETO MARCATO. 13:30 h
Cuatro músicos xóvenes del norte d’España que, depués de participar nuna montonera de recitales académicos, dan el saltu profesional nel Botánicu de Xixón. Bandes sonores y pieces de música clásica nun recital pa tolos públicos.
Sofia Trueba Fraile (violonchelu)
Iñigo Martínez Ayarza (viola)
Gonzalo Saloña Urigüen (vigulín)
Alejandro Jardón Bueno (xiblata)

Gymkhana familiar: ‘A LA GUETA L’AYALGA’. De 17:00 a 19:00 h
La Asociación de Amigos del Jardín Botánico entama, un añu más, un percorríu familiar nel entornu privilexáu que nos ufre la viesca natural. Una busca didáutica y prestosa pel Xardín de la Isla que tien premiu pa los neños y neñes: deprender coses nueves sobre la naturaleza y la botánica (árboles, flores, plantes en xeneral) demientres escubren los requexos del Xardín Botánicu.

Teatro: ‘BASURILLA’ con La Sonrisa del Lagarto. 19:30 h
Espectáculu interactivu familiar. Una basurera simpática tresforma les montañes de basoria que xeneramos n’oxetos y xuguetes prestosos. Les coses más simples y cotidianes garren vida y enllénense d’hestoria cuando’l maxín entra en xuegu.