Estinguíu un incendiu nun restorán ensin actividá en Samartín del Rei Aurelio

0
74
Estinguíu un incendiu nun restorán ensin actividá en Samartín del Rei Aurelio

Efectivos de Bomberos del Serviciu d’Emerxencies del Principáu d’Asturies (SEPA) escastaron una quema declarada nun restorán, ensin actividá, allugáu en San Vicente, nel conceyu de Samartín del Rei Aurelio. El fueu xamuscó unos colchones nuna habitación d’una vivienda asitiada na planta cimera del restorán. El restu del inmueble resultó afectáu pol fumu. Amás, la temperatura alcanzao provocó que se deprendiese parte del techu de la estancia.

Los bomberos entraron colos equipos de respiración autónoma y cola cámara d’imaxes para alcontrar los focos de calor. Cola barra d’uña comprobaron los falsos techos y n’escastando les llapaes asitiaron un motoventilador para facilitar los llabores de ventilación.

El Centru de Coordinación d’Emerxencies del 112 Asturies recibió l’avisu a les 12.38 hores. Na llamada señalaben que taba quemando un restorán ensin actividá. Taba saliendo fumu del segundu pisu. Nun creíen qu’hubiera afectaos pol inmueble taba deshabitado. La Sala 112 del SEPA movilizó a bomberos del parque de San Martín y de La Morgal, a efectivos de Mieres y del parque de Proaza. Tamién s’activó al Xefe de Zona Centro que se treslladó al incidente.

A les 13.11 hores la dotación movida dende Samartín dio la quema por contorlada polo que s’anuló la movilización del restu de dotaciones. Rematada la intervención la dotación y el xefe de zona retiráronse del llugar para tornar a base a les 14.22 hores. L’incidente comunicóse, a títulu informativu, al Serviciu d’Atención Médica Urxente (SAMU) y por protocolu a la Policía Local.