Ayeri conociéronse los nomes de los diez proyectos que resultaron escoyíos na primer convocatoria del programa de Residencies Artístiques y Acción Cultural d’El Palacio 2024-2025.
L’oxetu d’esta convocatoria ye sofitar el desenvolvimientu y la producción de proyectos artísticos, d’investigación y de mediación nos siguientes ámbitos: artes plástiques y visuales; artes escéniques y performativas; arte sonoru; arte dixital; producciones d’interés artísticu; creación lliteraria; proyectos curatoriales y d’investigación y proyectos de mediación cultural.
Y los proyectos escoyíos son:
-
Transparentar, de Inés Santos Acuña.
-
Correspondencias, de David Esteban Ferrando Giraut
-
Ocle, de Pablo Casanueva Gutiérrez
-
Grand Mal, de Guillermo Rodríguez Braga
-
La Ternura, de Denise Sánchez Vaccarello
-
Ser soníu, de Mónica Mura
-
Paisaje-Lenguaje, de Ana Matey Marañón
-
El temblor se desvanece en su permanencia, de Raquel González Ibañez
-
Cuestión de tiempo, de Cristóbal Andrés Santa María Cea
-
Xixón-Ancias, de Juan Gama de Cossío
Siguiendo les indicaciones de les bases de la convocatoria, a lo menos un 30% de los proyectos escoyíos correspuende a creadores enraiganos con Asturies. Cumplen esti criteriu los creadores David Esteban Ferrando Giraut, Pablo Casanueva Gutiérrez, Guillermo Rodríguez Braga y Juan Gama de Cossío. Y a lo menos un 30% de los proyectos escoyíos correspuende creadores emerxentes, entendiéndose por emerxente les persones d’hasta 35 años d’edá. Cumplen esti criteriu los y les creadores: Inés Santos Acuña, Pablo Casanueva Gutiérrez, Guillermo Rodríguez Braga, Denise Sánchez Vaccarello y Raquel González Ibáñez.
