Efectivos d’emerxencies rescataron y treslladaron al Hospital de Les Arriondes a un home que se mancó una pierna cuando realizaba la ruta d’El Requexón, en Cangues d’Onís.
L’afectáu, un varón de 66 años d’edá, foi alcontráu na pradería de les Poces, a los pies del picu Porru Bolu, nuna zona conocida como H.ou Secu o de Los Ollos.
Na so evacuación, en siendo atendíu pol médicu-rescatador nel llugar del accidente, tuviéronse que realizar dos ciclos de grúa col helicópteru medicalizáu nes que s’esplegaron 30 metros de cable en caúna d’elles. La operativa resultó bien complicada debíu al vientu que soplaba al sur de la zona de rescate y que baxaba dende l’Altu de la Mazada hasta cayer xusto sobro’l rotor de l’aeronave.
En siendo sacupáu al helicópteru foi treslladáu al Hospital de Les Arriondes con una mancadura nel ximielgu derechu.
El Centru de Coordinación d’Emerxencies del 112 Asturies recibió l’avisu a les 16.59 hores. Na llamada indicaben qu’un home que terminara una ruta d’altu monte nun podía siguir caminando por cuenta d’una mancadura nuna pierna.
La Sala 112 del SEPA movilizó al Grupu de Rescate de Bomberos del SEPA col helicópteru medicalizado y pasó l’avisu al SAMU. Paralelamente informó a los 112 de Castiella y Llión y Cantabria y a la Guardia Civil. Rematada la intervención l’equipu tornó a la so base a les 18.50 hores.
