Feria Europea d’Artes Escéniques pa Neños y Neñes realcontróse na so 31ª edición con casi 40.000 espectadores, tres superar les llimitaciones impuestes pol andanciu del covid en 2021.
FETEN volvió cuntar esti añu cola comunidá escolar nos teatros, cola presencia de los profesionales del sector y coles secciones habituales que faen de la Feria un escaparate d’enclinos creativos y un espaciu d’analís ya intercambiu d’esperiencies.
Los escolares volvieron a los teatros y sales, concretamente 2.745 alumnos y alumnes de 21 centros de Xixón esfrutaron de les propuestes en sales, y 7.354 de 66 colexos (24 de Xixón/Xixón y 42 del restu d’Asturies) ficiéronlo al traviés de la plataforma virtual.
Acreditóse en FETEN a 530 profesionales ( programadores, distribuidores etc) de manera presencial y 186 na plataforma virtual. La Feria acoyó a 300 artistes de les compañíes participantes na 31ª edición.
