La Fiesta de la Sidra Natural de Xixón, qu’esti branu cumple la so 28 edición, yá tien imaxe. La diseñadora gráfica xixonesa Noelia Pañeda (Pasajero 37) foi la encargada de dar forma al cartelu. La edición viniente va celebrase na ciudá asturiana del 19 al 25 d’agostu.
La Fiesta de la Sidra Natural de Xixón ye Fiesta d’Interés Turísticu Rexonal, ta entamada pola estaya de Festexos de Divertia Gijón y cunta col patrociniu de Laboral Kutxa. Esti cartelu va anunciar el certame nes sidreríes asturianes, en soportes de mobiliariu urbanu, anuncios en revistes y diarios y redes sociales.
La programación de la 28 Fiesta ta zarrándose. Cuntará, de nueves, col mercadín de la sidra y la mazana, el récord mundial d’escanciáu en Poniente y los tradicionales cancios de chigre na Plaza Mayor. Tampoco nun van faltar el Concursu Oficial d’Escanciadores y la xornada de preba.
