El Papa Xicu, líder de la Ilesia Católica y figura destacada na promoción del diálogu interrelixosu, la xusticia social y el cuidu del medioambiente, finó güei a los 88 años na Ciudá del Vaticanu, según informó la Santa See nun comunicáu oficial.
La noticia confirmóla’l voceru del Vaticanu, Matteo Bruni, quien declaró: «Con fonda murnia informamos que La so Santidá’l Papa Francisco partió a la Casa del Padre esta mañana, arrodiáu d’oración y acompañáu poles sos más cercanos collaboradores».
Nacíu como Jorge Mario Bergoglio en Bonos Aires, Arxentina, el 17 d’avientu de 1936, Xicu convirtióse nel primer papa llatinoamericanu y el primer xesuita en ser escoyíu como Sumu Pontífiz, tres l’arrenunciu de Benedicto XVI en 2013. El so pontificáu, marcáu por una visión pastoral y una insistente llamada a la misericordia, la humildá y la reforma interna de la Ilesia, dexó una buelga imborrable tanto en creyentes como en non creyentes alredor del mundu.
Mientres los sos más de dolce años de pontificáu, el Papa Xicu afrontó con valentía problemes como la crisis migratoria, el cambéu climáticu, la probeza estrema y los abusos sexuales dientro de la Ilesia, enfrentando crítiques y sofitos cola mesma serenidá y firmeza que caracterizaron el so lideralgu.
El protocolu agora establez un períodu de llutu y la convocatoria del cónclave, nel que los cardenales del mundu van axuntar na Capiya Sixtina pa escoyer al próximu sucesor de San Pedro.
Miles de fieles yá s’arrexunten na Plaza de San Pedru pa rindir homenaxe al Pontífiz, que la so cencellez, carisma y cercanía marcaron una nueva etapa na hestoria de la Ilesia Católica.
Espérense más detalles nes próximes hores sobre los actos aciagos y la sepultura del Papa Xicu, que, según fontes vaticanes, solicitaría reposar en tierra, como xestu d’humildá.
