El candidatu socialista a l’Alcaldía de Xixón, Luis Manuel Flórez ‘Floro’, participó ayeri, xunto al secretariu xeneral de la FSA-PSOE y presidente del Gobiernu d’Asturies, Adrián Barbón, nel actu d’entamu de la campaña electoral que los socialistes celebraron nel Paséu de Begoña, un alcuentru nel que reivindicaron la necesidá d’un gobiernu d’izquierdes y progresista que mire p’alantre, frente un gobiernu de dereches que vuelva al pasáu y desanicie los derechos sociales consiguíos.
Floro recordó qu’encabeza un equipu que lleva casi 500 xuntes per tol conceyu y que representa a unes sigles centenaries que supieron tresformar la nuesa sociedá, a un partíu tresformador, de la qu’añedió que “agora ye cuando se ve quien tenemos un proyectu sólidu detrás, y quien, escosaos los sos fueos d’artificiu, van tratar de malvar y echar a perder la campaña con insultos y mentires”.
Nesi sentíu, definió cuálos fueron, son y van ser los valores centrales del so programa: los mesmos que defendió mientres más de 30 años como fundador y presidente de Proyecto Hombre. “Enfotu, seguridá, esperanza, aliendu, cercanía, honestidá. Son valores que yo apliqué na mio vida y que van ser la seña d’identidá del mio pasu pola política”.
El candidatu empecipia la campaña cola ilusión, aportunó, de defender unos ideales y d’ameyorar la vida de les persones porque para él “nun hai nada más arrogante nesta vida que dedicar el tiempu y l’esfuerzu en pensar nos demás, en faer de la nuesa tierra un llugar d’oportunidaes”.
Too ello ye lo qu’espera tresmitir a los votantes por que depositen el so enfotu nun gobiernu responsable, seriu, rigorosu y que cumple, defendiendo a Xixón de la involución de la derecha. “Xixón foi siempres exemplu de progresu, de ciudá adelantrada al so tiempu, y ye hora de que vuelva ser asina”.
A lo último, Floro quixo amosar el so agradecimientu a los socialistes que xestionaron la pandemia al frente del Conceyu porque ensin un gobiernu del PSOE, puntualizó, estos años de pandemia seríen más difíciles.
Pela so parte, Adrián Barbón, indicó qu’empecipia la campaña col prestu de nun dexar a naide tras, xuna marca del PSOE. Esta tarde, en Xixón, aseguró que va amenorgar la presión fiscal a families trabayadores que tengas dos fíos, midíes que van ameyorar la calidá de vida de les persones. Los socialistes, añedió, van crear un programa de torna, especialmente de moces, con ayudes d’hasta 3.000 euros por que puedan tornar a Asturies. Midíes que al igual que l’ampliación del Hospital de Cabueñes, l’entamu de les obres del centru de salú de Nuevo Roces, la inversión pa la construcción colexu públicu del barriu, el vial de Xove, amuesen el claru compromisu de los socialistes col nuesu conceyu y cola rexón. quíxose dirixir güei a tola esquierda y a tolos progresistes dende un partíu arguyosu de la so identidá y del so asturianismu.
Nel actu intervinieron, amás, los candidatos a la Xunta Xeneral del Principáu, Ana Puertu y Monchu García, tamién secretariu xeneral de l’Agrupación Municipal Socialista de Xixón.
García recordó qu’en Xixón gobernó la derecha mientres ocho años, ocho años de paralises con Carmen Moriyón na Alcaldía, que llegó al poder gracies al Partíu Popular de Pilar Fernández Pardo y al Podemos de Mario del Fueyo. “Fueron ocho años de proyectos incumplíos y d’esbardies de dineru, de retrasos y sobrecostos n’obres públiques, d’abandonu de la participación ciudadana, de proyectos de movilidá qu’agora critiquen o de la paralización de les ayudes al arriendu”, afirmó.
Punxo sobre la mesa, coles mesmes, los trés años que Foru tardó n’atoldar ‘El Kilometrín’, los arramaos fecales a la sablera de San Llorienzo, y la delda de más de 70 millones d’euros para la rehabilitación d’edificios que los herederos de Cascos dexaron a les vecines y vecinos.
En contraposición, indicó’l secretariu xeneral, ta’l PSOE, que demuestra’l so compromisu con Xixón cola autorización del gastu para la llicitación del vial de Jove, colos más de 500 millones d’inversión por qu’Arcelor tresformar nuna acería verde y garantice mayor respetu col medio ambiente y l’empléu na so planta, o cola ampliación del Hospital de Cabueñes. “Por ello, ye necesariu un gobiernu d’esquierdes, progresista, que mire escontra alantre porque agora sí llegó la hora d’Asturies y l’hora de Xixón”. Para Monchu García, l’alternativa a los socialistes ye xuna derecha qu’esanicie los derechos sociales que fuimos consiguiendo como sociedá porque “si esiste xuna mínima posibilidá de que la derecha sume nesta ciudá, o en cualquier sitiu, vamos tener un gobiernu nel que mande VOX”.
Para concluyir, Ana Puertu tamién manifestó’l so arguyu de pertenecer al partíu que defende les llibertaes, la democracia y la xusticia social, al partíu que crea polítiques por y para les persones, garantizando la sostenibilidá, l’axenda 2030, y l’igualdá de xéneru. Ye, añedió, el partíu de les propuestes segures, poniendo en valor tou les midíes que se llegaron a cabu como la xubida de les pensiones, el caltenimientu del empléu y de l’actividá económica, o la consecución de los fondos europeos que van dexar modernizar el texíu económico.
