La Estación Fontes d’Iviernu y la Escuela Española d’Esquí y Snowboard de Fontes d’Iviernu entamen delles actividaes pa celebrar el World Snow Day o Día Mundial de la Nieve’l domingu 16 de xineru. Fontes d’Iviernu ye un equipamientu dependiente de la Conseyería de Cultura, Política Llingüística y Turismu y xestionáu pola Sociedá Pública de Xestión y Promoción Turística y Cultural del Principáu d’Asturies.
A les 11:30 hores van empezar los xuegos de nieve nel llanu de Entresierres con llanzamientu esmucíu d’esquí, de bota y d’aros y carrera de sacos na nieve, hora na que tamién se realizarán paseos en siella afecha para persones con movilidá amenorgada.
El públicu tamién va poder participar n’una escursión con barayones a les 14:30 hores y va haber un cursín infantil gratuitu de nivel iniciación de 14:45 a 16:45 hores. Amás Xurde, la mascota de la Escuela, va tar na terraza del Edificiu de Servicios Múltiples para faese semeyes colos usuarios dende les 15:30 hores.
Pueden consultase los detalles de les actividaes del World Snow Day, suxetu a condiciones meteorolóxiques favorables, na web www.fuentesdeinvierno.com, onde se va comunicar cualquier cambéu.
