Güei escomienza la IV edición de les xornaes gastronómiques ‘Xixón Sabe a Mar’ que recupera la tradición gastronómica dientro de les fiestes de San Pedru. Nestos diez díes, dende’l 26 de xunu hasta’l domingu 5 de xunetu, 28 establecimientos incorporen a les sos cartes propuestes culinaries, tanto menús como tapes, onde’l pescáu o los productos de la mar tienen protagonismu máximu.
La programación de les xornaes inclúi dos fines de selmana pa tener más oportunidaes de participar nes propuestes saborguioses que van realizar los 28 establecimientos que s’apuntaren a estes xornaes. Nos menús van atopase propuestes como pulpu, rollu de bonitu, bacaláu gratinao, salpicón de mariscu, la merluza rellena, la llubina al fornu o parrillada de mariscu.
Tola información sobre los participantes pue consultase nun espaciu propiu na web www.escapadaasturias.com y en www.otea.es.
