Sigue la riestra de dimisiones en Foro Asturias tres el pactu de Carmen Moriyón con VOX pa convertise n’alcaldesa de Xixón. El gran descontentu xeneráu nun ampliu sector de la formación punxo yá sobre la mesa la dimisión de José Suárez Arias-Cachero «Felechosa», Vicesecretariu d’Estratexa de la formación y del presidente de Foro n’Uviéu, Carlos Suárez.
A la llista súmase agora l’empresariu Inaciu Iglesias, cola so salida del cargu de vocal de la directiva y de la militancia na formación, argumentando que «El recién pautu en Xixón colos extremistes de VOX failo incompatible col mio apreciu pola dignidá y la igualdá, la llimpieza política y la defensa de lo asturiano».
Tolos güeyos tán puestos agora sobre la postura del diputáu de Foro Asturias Adrián Pumares, que guarda silenciu dende que se confirmó’l pactu ente’l so partíu y VOX en Xixón. Pumares fuera precisamente’l políticu más señaláu por VOX, con delles campañes especialmente venceyaes al so sofitu a la oficialidá del asturianu.
Cuento llegó’l momentu d’abandonar la mio militancia en Foro Asturies y, poro, el puestu na so comisión directiva. El recién pautu en Xixón colos extremistes de VOX failo incompatible col mio apreciu pola dignidá y la igualdá, la llimpieza política y la defensa de lo asturiano. pic.twitter.com/yCjLtjTB0E
— Inaciu Iglesias (@InaciuIglesias) June 17, 2023
El acuerdo entre @FOROGijon y @vox_es es un pacto infame que viola el programa, los principios y el espíritu de @FOROAsturias.
También insulta a la historia democrática de la ciudad de #Xixón.
Ya que la izquierda exquisita no quiso ayudar a aislar a la extrema derecha, le pido a… pic.twitter.com/mYxFLgSEbt— José Suárez Arias-Cachero Felechosa (@JoseSuarez) June 17, 2023
No tiene sentido. Me siento más engañado que el electorado. Defraudado. Engañado. Triste. Rabia. Incomprensión.
— Carlos Suarez (@CarlosSuarezOVD) June 16, 2023