El programa d’intercambiu de llibros de testu entama’l llunes

De llunes a vienres, n'horariu de diez de la mañana a dos de la tarde, families y estudiantes van poder depositar los sos llibros nel programa

0
132
El programa d'intercambiu de llibros de Xixón entama'l llunes

El Programa d’Intercambiu de Llibros de Testu de Xixón entama esti llunes la so ventiava primera edición. Na primer fase d’esti programa, entamáu por Estudiantes Progresistes y COAPA col sofitu del Conceyu de Xixón, va centrase na recoyida de los llibros de testu utilizaos nel cursu escolar qu’acaba de rematar.

De llunes a vienres, n’horariu de diez de la mañana a dos de la tarde, families y estudiantes van poder depositar los sos llibros. Por caún d’ellos van recibir un vale que van poder trocar por otru llibru na segunda fase del programa, que va entamar el 19 d’agostu.

La iniciativa, que cunta tamién col sofitu de los conseyos de mocedá de Xixón y Asturies, va desenvolvese nel Espaciu Astragal, con entrada pola avenida Constitución, 45. La pasada edición del Programa d’Intercambiu de Llibros de Xixón cuntó cola participación de 4.234 families y estudiantes. Entregáronse 6.222 llibros de testu del total de 9.443 recoyíos.