La conceyala del Grupu Municipal d’IX-MP-IAS, Noelia Ordieres, denunció que’l tornéu de la categoría ATP 250 de tenis que tien previsto celebrase en Xixón del 2 al 9 de payares va tener como patrocinador principal a la empresa Tel-Aviv Watergen, domiciliada socialmente na ciudá israelina de Petah Tikva.
Ordieres considera que’l Gobiernu local vuelve asitiase de llombu a la realidá, negando’l xenocidiu que ta sufriendo la población civil en Gaza y contribuyendo al ablancazamientu del gobiernu sionista de Netayanhu, nun momentu nel que tendríamos de ser una ciudá solidaria y comprometida cola paz y el respetu de los derechos humanos’. La conceyala de la coalición remarca que ‘más d’un millón d’euros va destinar a pagar los servicios d’esta empresa, mientres refugaron nuesa propuesta d’articular 100.000 euros ayuda d’emerxencia en Palestina al traviés de la UNRWA’, axencia de les Naciones Xuníes pa los refuxaos palestinos n’Oriente Próximu.
Dende Izquierda Xunida conviden al Conceyu a cavilgar sobro la situación que tán calteniendo dende l’entamu del conflictu, nesti sentíu Ordieres aprofia ‘que la so organización ye partidaria de suspender tantu les relaciones institucionales como económiques con Israel como midida de presión p’aisllar a Israel énte la comunidá internacional hasta que nun se produza un altu’l fueu y garantícese la seguridá de la población civil y del personal voluntario en Gaza’.
