La crisis del coronavirus dispara’l desempléu en 4.511 persones

El mes acaba con 77. 451 paraos, un 6,18% más, con xubíes concentraes n’hostelería, comerciu y construcción

0
549
Asturies cerró mayu con 70.197 persones en paru. / Pixabay
Asturies cerró mayu con 70.197 persones en paru. / Pixabay

El desempléu rexistráu xubió en marzu en 4.511 persones (+6,18%) pola menor actividá económica derivada del coronavirus COVID-19. D’esta manera, Asturies cunta anguaño con 77.451 persones inscrites nes oficines de desempléu. Hasta marzu, la comunidá encadenaba 77 meses de descensu interañal consecutivu del paru. Los datos de les últimes selmanes de marzu, a partir de la declaración del estáu d’alarma, quebraron esti enclín. Asturies foi la sesta comunidá na que menos xubió’l paru en términos intermensuales y la quinta si la estimación se fai de manera interañal.

Según los númberos facilitaos pol Serviciu Públicu d’Empléu del Principáu (Sepepa), l’aumentu del paru correspuende mayoritariamente a persones que remataron el so contratu o vieron rescindida la so relación llaboral de manera anticipada. Les medres porcentuales más elevaes rexístrense fundamentalmente ente los homes (+7,93%), nel grupu d’edá ente 25 y 45 años (+9,22%) y na construcción (+13,06%).

La esceición al aumentu xeneralizáu del paru ye’l sector primariu. L’actividá d’agricultura, ganadería y pesca ye la única que rexistra un llixeru descensu nel númberu de paraos, 30 persones menos, un -2,11%. La medra mensual na industria produzse fundamentalmente nes actividaes rellacionaes col metal y arreglos de maquinaria. Nos servicios producénse aumentos importantes nel comerciu al por mayor (con 337 persones más paraes), actividaes rellacionaes cola hostelería (1.079 persones más) y les actividaes venceyaes col empléu (589 persones más), amás d’otros servicios personales (119 persones más).

La incidencia de la crisis sanitaria obsérvase tamién na evolución de la contratación, que baxen hasta los 18.904. En númberos absolutos, son 6.437 menos qu’en (-25,40%). Otramiente, l’afiliación a la Seguridá Social baxó’l mes pasáu’l 0,96%, per debaxo del promediu estatal, hasta asitiase en 359.525cotizantes, lo que supón 3.499 persones n’alta menos.