La esbarda de cinco meses recoyida en Proaza’l 31 de mayu evoluciona y gana pesu nel Centru de Recuperación de la Fauna Montés de Cantabria. L’animal permanez n’observación y baxo la supervisión de los profesionales del centru. Ganó 300 gramos na última selmana y pesa yá 5,9 quilos. De la qu’ingresó, el día 3, presentaba un cuadru neurolóxicu grave.
La esbarda xuega y busca l’alimentu que los especialistes escuenden nel recintu habilitáu pa grandes mamíferos cola mira d’aguiyar el so instintu natural. Pa eso, tien xuguetes en forma de tueros y otros oxetos qu’ayuden a favorecer el so ameyoramientu.
El Centru de Recuperación de la Fauna Montés trata de recuperar pa la so reincorporación al mediu natural a delles especies dende’l 2010. Nes sos instalaciones valórase y trátase a los animales. Faenlo con cuidaos: ciruxía, pruebes diagnóstiques y de llaboratoriu, hasta la hospitalización, rehabilitación y puesta en llibertá, pasando per cuidaos postoperatorios o cuarentenes cuando resulta necesario.
