La FSA-PSOE celebra’l vienres 21 y el sábadu 22 en Xixón un alcuentru autonómicu nel que va afrontar los grandes retos de la década d’Asturies «de la que va salir, col impulsu de les polítiques socialistes, una comunidá más moderna y próspera no económico y más xusta ya igualitaria no social».
“Vamos afrontar aquelles cuestiones clave pal futuru de la comunidá, dende’l fortalecimientu del nuesu sistema sanitariu hasta l’impulsu de nuevos derechos, pasando poles oportunidaes qu’abre la transición ecolóxica y tecnolóxica o’l desafíu que representa la intelixencia artificial”, diz la vicesecretaria xeneral, Organización y Coordinación, Gimena Llamedo. Va ser Llamedo precisamente quien abra l’alcuentru, mañana a les 17:00 hores en Llaboral Centru d’Arte, xuntu col númberu dos de la candidatura al Conceyu de Xixón, Lara Martínez. El sábadu, a les 12:45 hores, va tener llugar l’actu de clausura, protagonizáu pol secretariu xeneral de la FSA-PSOE, presidente del Principáu y candidatu a la reelección, Adrián Barbón, y pol candidatu a l’Alcaldía de Xixón, Luis Manuel Flórez ‘Floro’.
Ente medies, van celebrase delles meses centraes en cuestiones que la FSA-PSOE considera capitales pal futuru d’Asturies, y que van cuntar con una amplia y destacada participación de representantes de tolos sectores de la sociedá asturiana y d’otres comunidaes. va falar de sanidá, investigación y revolución tecnolóxica, de les oportunidaes d’Asturies énte la transición ecolóxica y tecnolóxica, d’igualdá, de la meyora en derechos y llibertaes y de la revolución dixital y el retu que supón la intelixencia artificial.
“Queremos aldericar y analizar estes cuestiones, escuchar con atención lo que destacaos
representantes de la sociedá tiénennos qu’apurrir, y con too ello construyir el programa de gobiernu pa la década d’Asturies’ que va impulsar una comunidá fuerte económicamente y con más y meyores derechos”, resume Llamedo.
