Asturies, 16 de setiembre 2022.- El próximu vienres 30 de setiembre, la Fundación Sandra Ibarra y el Conseyu Regulador de la Denominación de Origen Sidra d’Asturies van celebrar la tradicional ‘Espicha Solidaria Frente al Cáncer’, qu’anguaño cumple la so octava edición. Dambes entidaes entamen un añu más esti eventu que supon un homenaxe al espíritu d’Asturies nel que, al traviés de los sos raigaños y tradiciones, ponse n’alza la solidaridá de les sos xentes. El llugar escoyíu pa la celebración d’esti eventu en redol a la sidra ye tamién la so redolada más natural: el llagar tradicional, nesti casu’l Llagar de Quelo, en Tiñana.

 

La VIII Espicha Solidaria Frente al Cáncer tien como oxetivu esfrutar de la sidra d’Asturies, y faelo amás por una bona causa: sumar esfuerzos frente al cáncer, yá qu’una parte de la recaldación va dir destinada a sofitar la Escuela de Vida de la Fundación Sandra Ibarra. Les entraes solidaries, con un preciu de 30 euros (10 d’ellos de donación directa), yá tán a la vienta na see del Conseyu Regulador y en
https://entradium.com/es/events/viii-sidra-de-asturias-frente-al-cancer 

 

Nesta octava edición, va nomase al periodista uvieín Carlos Franganillo col títulu de ‘Embaxador de la Sidra d’Asturies solidaria 2022’, reconociendo’l so llabor como difusor de la cultura y raigaños asturianos en tol territoriu nacional. Va siguir asina’l camín d’otros pernomaos asturianos como’l periodista José María García, los actores Arturo Fernández, Roberto Álvarez, el cantante Víctor Manuel o’l Padre Ángel, que foi estremáu con esti títulu na edición del añu pasáu:Toi mui agradeciu. Recibí munchos homenaxes, pero enxamás imaxiné ser nomáu embaxador de la sidra d’Asturies”, declaró emocionáu.

 

Los fondos recaldaos al traviés d’esta iniciativa van destinase a la Escuela de Vida, el principal proyectu de la Fundación Sandra Ibarra, que surde tres l’aumentu de los índices de supervivencia en cáncer y l’ausencia de planes asistenciales específicos para les persones que superen la enfermedá. L’oxetivu ye, per un sitiu, formar ya informar a pacientes y supervivientes de cáncer por que se conviertan en protagonistes del so salú y llogren el bienestar físico y emocional necesariu; y por otru, midir y visibilizar les sos necesidaes. Esta escuela, que trabaya de forma integral en redol a distintes árees de salú, ye tamién la primer comunidá dixital de pacientes y supervivientes de cáncer:
www.escueladevidafundacionsandraibarra.org