Tan solo trés comunidaes españoles son see esta temporada de la lliga Jr. NBA 2024 y Asturies ye una d’elles. Va unos meses la FEB confirmó a la FBPA como see y esti domingu 22 de setiembre tal designación va cristalizar nun increíble eventu nel Polideportivu Municipal de Lluanco, onde mientres tola mañana, trenta colexos tanto en categoría alevina masculina como femenina y en formatu especialidá 3×3, se reencarnarán nes trenta franquicies de la NBA y van xugar los sos partíos en busca de conquistar l’aniellu. El sortéu del Draft yá se realizó y los colexos yá conocen a que franquicia van representar. Amás, l’eventu va cuntar col acompañamientu de dos lleendes del baloncestu nacional, tales como Fernando Romay y Amaya Valdemoro.
Pa quien nun lo conoza, la Jr. NBA-FEB League ye’l programa conxuntu de la Federación Española de Baloncestu y la NBA destináu a la promoción de la práctica del baloncestu ente mozos y moces de 11 y 12 años. La lliga Jr. NBA-FEB dexa a los colexos vivir la esperiencia NBA en tolos sentíos, averando les ventayes de la competición, l’entrenamientu y l’estilu de vida del baloncestu. Ye daqué más qu’una lliga; ye un movimientu que naz nes escueles y tresforma la forma d’enseñar deporte a los más pequenos. Cada colexu representa a cada franquicia NBA mientres l’intre de la Lliga, los equipos participen nun sortéu previu nel que la fortuna define los sos colores y, de siguío, van engarrar pol aníu.
