La llínia 18 modifica’l so percorríu pa llegar a Santa Bárbara

0
726
Recorríu nuevu de la llínia 18 d'Emtusa.
Recorríu nuevu de la llínia 18 d'Emtusa.

La llínia 18 de la Empresa Municipal de Tresportes va optimizar dos paraes a partir del llunes pa llegar hasta la cai Concha Espina del barriu de Santa Bárbara. Son les denominaes Sierra del Aramo y Torrecerredo, que se van unificar nuna sola parada de la cai Monsacro de La Peral.

Los cambeos propuestos pol Conceyu provocaron les protestes de los vecinos de la zona. Llamenten que pa dar serviciu a Santa Bárbara «se dexe ensin serviciu a La Braña y a toles viviendes de la cai Peña de los Cuatro Xueces». Nuna nota de prensa, l’equipu de Gobiernu defende que la modificación supón un trestornu mínimu pa los usuarios. Argumenten que la parada de Sierra del Aramo foi utilizada por una media 0’0038 persones per viaxe, mientres que na de Torrecerredo la media foi de 0’7 persones per viaxe. Amás, Sierra del Aramo ye la parada más alloñada al nuevu allugamientu, «apenes 233 metros», lo qu’en tiempu se traduz en 2 minutos a pie.

L’allongamientu de la llínea 18 ye una reclamación de Santa Bárbara. Una parte del barriu quedaba dixebrada del radiu d’influencia de les llínies 6 y 15 que transiten pol mesmu. Con esta modificación 1500 vecinos más van tener una parada d’autobús a menos de 300 metros, pasando de los 12.527 a los 14.032. Coles mesmes, con esta optimización va aumentar en 15 el númberu de places d’aparcamientu disponibles.