El Bibio va ser l’escenariu de la primer Amuesa Internacional de la Cerveza en Xixón. Del 17 al 20 d’abril, la plaza de toros de Xixón va acoyer, so la so carpa, una cita indispensable pa los amantes de la cerveza.
Esti eventu naz como propuesta de La Milla Cervecera de Xixón, formada polos siguientes establecimientos del barriu L’Arena: Morrison, Kilmister, Arde Lucus, L’Abadía, Vincer, Seven, Valhalla, Colorado Rocky Mountains y Montana, en collaboración col Xixón Arena.
Nel intre de los 4 díes del festival van tar disponibles más de 50 cerveces en 27 grifos
distintos, procedentes de 4 países. Los amantes de la cerveza van poder atopar hasta 13
tipos distintos. Les más esperaes, les clásiques IPAS, nacionales ya internacionales, col so
característicu color ámbare y el so sabor amargosu, pero que pueden presentar toques afrutados, cítricos o herbales. Xunto a elles, tamién podrán esfrutase de les cerveces más escures y sabor amargosu, como la Stout y les Porter, onde pueden esfrutase de les más populares con sabor a café o frutos secos; y tamién de les variedaes duces con sabor a chocolate. En cerveces turraes y lupulaes, van atopar la Brown Ale y la Red Ale, xunto a otros estilos distintos como Lager, Bock, Brown y la Triple Abadía. Los asistentes van poder esfrutar d’actuaciones en vivu, maridajes y cates con cerveces internacionales.
Los horarios van ser de 18:00 a 00:00 xueves, vienres y domingu, siendo’l sábadu l’horariu más ampliu de 12:00 a 16:00 y de 18:00 a 00:00 hores. Les entraes tienen un costu de 3 € y podrán adquirise na taquilla de la Plaza de Toros del Bibio nos díes del eventu, una hora antes de l’apertura de puertes.
