La Comisión de Formación Profesional del Ministeriu d’Educación comunicó a les comunidaes autónomes la publicación de trés reales decretos que van modificar les hores del currículu básicu de los ciclos formativos. La reforma de les de Formación Profesional va enllantase’l 1 de setiembre de 2024, tal como taba previstu, nel primer cursu de tolos ciclos formativos.
Los decretos van dexar al Gobiernu d’Asturies empezar a trabayar na nueva asignación de les hores que componen los graos básicu, mediu y cimeru. El ministeriu afita un 55% d’esti horariu, ente que’l restu, un 45%, queda a disposición de les comunidaes autónomes. Polo que respecta a los plazos, el Principáu sofitó’l calendariu del Ministeriu d’Educación pa la implantación de la llei d’ordenación ya integración de la Formación Profesional frente a la posición de delles comunidaes gobernaes pol PP, que solicitaben más tiempu pa la so aplicación.
Na xunta telemática de la comisión, perteneciente a la Conferencia Sectorial d’Educación, participaron el director xeneral de la Planificación de Formación Profesional, Javier Cueli, y la directora xeneral de Centros, Rede 0-3 y Enseñances Profesionales, Eva Ledo.
El Principáu va axuntar la próxima selmana a tolos centros educativos sosteníos con fondos públicos qu’imparten enseñances de formación profesional pa informa-yos de la implantación de la llei.
