La selección de baloncestu, na final del Mundial

España impónse a Australia por 95-88 nun partíu históricu con dos prórrogues, récord d'anotación de Marc y d'asistencies de Ricky

0
82
La selección de baloncestu, na final de la Copa del Mundu
Un momentu del partíu. / FEB

España vuelve ganar un partíu clave. Marc Gasol terminó l’encuentru énte Australia (95-88) con 33 puntos (llevaba 4 al descansu) batiendo’l so récord personal d’anotación. Pela so parte, Ricky Rubio bordió’l triple doble (récord d’asistencies con 12) y Sergio Llull anotó dos triples claves na segunda prórroga. Un partíu hestóricu decidíu na segunda prórroga y qu’asegura la medaya nun tornéu nel que los mesmos xugadores namás falen d’oru. Si de Saitama recuérdase trelce años dempués el partíu énte Arxentina, esta Copa del Mundu 2019 yá tien otru partíu pa la memoria de los aficionaos. Agora, queda una final (domingu 14:00 h) pa rematar dos selmanes máxiques.