La Universidá d’Uviéu cerró’l cursu deportivu con 21 medayes

El rector recibió a los estudiantes medallistas nos Campeonatos d'España Universitarios 2018-2019

0
831
El rector, Santiago García Granda, recibió a los estudiantes medayistes nos Campeonatos d'España Universitarios 2018-2019. / Universidá d'Uviéu
El rector, Santiago García Granda, recibió a los estudiantes medayistes nos Campeonatos d'España Universitarios 2018-2019. / Universidá d'Uviéu

El rector de la Universidá d’UviéuSantiago García Granda, recibió esti martes a los deportistes que participaron nos Campeonatos d’España Universitarios del cursu 2018-2019. La institución académica reconoció a los estudiantes que col so esfuerzu llevaron a la institución académica a les primeres posiciones del medalleru nacional con 21 medayes. D’elles, 4 son d’oru, otres tantes de plata y catorce de bronce. D’esa forma, la institución sigue ente les más galardonaes del país y supera de llargu los 13 metales llograos el pasáu añu. L’actu de recepción celebróse na Aula Magna del Edificiu Históricu.

La institución sigue ente les más galardonaes del país y supera de llargu los 13 metales llograos el pasáu añu

La Universidá d’Uviéu arrincó los Campeonatos d’España Universitarios de la meyor manera posible y llogró cuatro medayes (una de plata y trés de bronce) nel Nacional Universitariu de bádminton, celebráu n’Elx. Los equipos de dobles abrieron el medayeru pa la formación asturiana. Claudia Leal y Juan Antonio Mínguez xubieron al podiu pa colgar el primer bronce pa la Universidá d’Uviéu. Sicasí, Mínguez nun tardó demasiao en volver a los caxones pa recoyer el bronce xunto Iván Villanueva, en categoría masculina.

Claudia Leal, pela so parte, cerró la so gran actuación nel Nacional algamando la final n’individual femenina, na que foi superada por Manuela Díaz, una de la meyores xugadores del país, pero que tuvo’l subcampeonatu como xustu premiu al so bon xuegu. Isabel Moreno-Luque ya Inés Turrado completaron la formación verdinegra cola que la Universidá d’Uviéu algamó la tercer posición na clasificación por equipos del campeonatu.

Compromisu col deporte

La Universidá d’Uviéu anovó’l so compromisu col deporte afechu nel Campeonatu d’España Universitariu de natación, nel que por segundu añu consecutivu cuntó con participación nesta categoría. Y fueron estos deportistes los más destacaos na representación asturiana nel tornéu celebráu en Castellón, onde consiguieron siete medayes (dos d’oru, dos de plata y trés de bronce). L’internacional xixonés Sergio Vaquero fízose colos títulos en 50 llombu y 200 estilos, prueba na que ye’l vixente plusmarquista español. Cerró la so actuación con un bronce en 50 braza.

Adriana Pérez nun quixo ser menos y tamién tornó a Asturies con delles preseas na so mochila, al algamar el subcampeonato nes disciplines de 50 y 100 braza, y colgar el bronce en 200 estilos. Sergio Maté cerró’l medallero de la la Universidá d’Uviéu en Castellón al rematar terceru en 100 llombu.

La institución académica asturiana recuperó esti cursu la so participación con un ésitu nel Campeonatu d’España de kárate, qu’esta edición acoyó Alicante. Celia Álvarez abrió la participación verdinegra nel campeonatu y colgóse el bronce na categoría de -55 kilos. Víctor Fernández arredondió l’actuación de la Universidá d’Uviéu con un nuevu bronce na categoría de -84 kilos.

La espedición d’atletismu tornó con tres medayes, una d’oru, otra de plata y bronce

En nacional d’atletismu tuvo la so gran cita añal en Castellón, d’onde la espedición tornó con trés medayes (una d’oru, otra de plata y bronce). Manuel Palanco foi’l más destacáu al consiguir el títulu en 100 metros (10.71). Nora Suárez tamién rellumó nel aníu de la Universidá Jaime I, al concluyir segunda na prueba de 400 metros abarganes (1.02.45). Diego Escudero colgóse la postrera presea pa la Universidá d’Uviéu, clasificándose terceru na final de los 800 metros (1.52.71).

El Campeonatu d’España de triatlón llevó a los meyores especialistes a Cullera (Valencia). Lucía Vergara tuviera mui cerca del podiu n’anteriores ediciones, nes que robló’l quintu y el cuartu puestu, respectivamente. Yera la so oportunidá de colgar una presea y aprovechar, al rematar el campeonatu en tercer posición.

El yudu foi otra de la referencies nel tornéu que se celebró en Valencia. David Fernández fixo valir la so condición de ser unu de los meyores especialistes del país y xubió a lo alto de los caxones na categoría reina de +100 kilos. Nerea Teixeira fixo tamién confirmó los pronósticos que lu asitiaben ente les candidates a los puestos d’honor en -78 kilos y concluyó la competición en tercer posición. Sandra Ferrero arredondió l’actuación de les y los universitarios asturianos con un nuevu bronce en +78 kilos.

L’halterofilia completó l’actuación de la Universidá d’Uviéu en Murcia nos Campeonatos d’España Universitarios. Ellí, Pablo Nuño facer col bronce na categoría de -73 kilos.