La Curuxa Catuxa, una hestoria creada por Vero Suari ya Inaciu Galán foi el premiu María Xosefa Canellada de Lliteratura Infantil y Xuvenil nel añu 2020. Agora, ábrese una nueva manera de conocer la hestoria nel Centru de Cultura Antiguu Institutu de Xixón dende’l 11 d’ochobre al 9 de payares.
Con 21 cuadros más delles figures decoratives, trae un mundu d’aventures y de maxa, nel qu’una » fada de los dientes» de la viesca consigue renovar una tradición del imaxinariu colectivu universal adaptándola a la cultura asturiana, nuna obra pa primeros llectores na que destaquen, dende la cenciellez didáctica cola que ta escrita, los valores firmes que tresmite, y un léxicu escoyíu y cuidáu. Catuxa y los sos amigos son amás personaxes con valores como’l compañerismu, l’ecoloxismu, la solidaridá, la igualdá, el sofitu a la diversidá…
Amás, un cuentacuentos completen la esposición mientres dos xornaes: el 15 d’ochobre y el 5 de payares, dambos díes dende les 12 hasta les 13 hores. Puede facese la inscripción previa nesti enllaz: actividades.gijon.es
