L’Axencia Asturiana de Cooperación al Desenvolvimientu aconseya a la ciudadanía que quiera collaborar cola población ucraíno afectao pola invasión militar de Rusia que canalice les sos acciones de solidaridá al traviés de donaciones de fondos a les organizaciones humanitaries especializaes que tán trabayando ellí sobre’l terrén.
Esti ye’l mecanismu más eficiente y eficaz pa facer llegar les ayudes nel marcu de los principios de la bona acción humanitaria.
A títulu informativu y por si pue ser d’utilidá, d’alcuerdu colos conseyos de l’Axencia Española de Cooperación, facilitamos los enllaces a posibles víes de canalización de les ayudes al traviés de les ONG y organismos internacionales presentes na zona:
- Comunicáu de la Coordinadora española d’ONGD: https://coordinadoraongd.org/2022/03/como-apoyar-a-las-ongd-espanolas-en-ucrania/
- Llamamientu de la Federación Internacional de la Cruz Bermeya y la Media Luna Bermeya y del Comité Internacional de la Cruz Bermeya: https://www.icrc.org/es/donate/crisis-en-ucrania
- OCHA (Oficina de Coordinación p’Asuntos Humanitarios de les Naciones Uníes). Contribución al traviés del Fondu Humanitariu pa Ucraína: https://www.unocha.org/ukraine/about-uhf
- ACNUR (Axencia de Naciones Uníes pa los Refuxaos): https://eacnur.org/es/crisis-ucrania?UTM_source=abtasty&utm_medium=bubble
Delles de les organizaciones non gubernamentales pal desenvolvimientu (Ongd) que trabayen actualmente n’Ucraína o zones fronterices y que tienen delegación n’Asturies son:
- Cáritas. https://www.caritas.es/noticias/ucrania-se-dirige-hacia-una-catastrofe-humanitaria/
- Cruz Bermeya. https://www2.cruzroja.es/web/ahora/-/cruz-roja-crisis-ucrania
- Farmacéuticos Mundi. https://farmaceuticosmundi.org/solidaridad-con-ucrania/
- Médicos del Mundu. https://dona.medicosdelmundo.org/crisis-ucrania
- Unicef. https://www.unicef.es/noticia/ucrania-75-millones-de-ninos-en-riesgo
- Entreculturas.https://www.entreculturas.org/noticias/emergencia-en-ucrania
- Ayuda n’acción. https://colabora.ayudaenaccion.org/espana/es/emergencia-ucrania
L’Axencia Asturiana de Cooperación valora les muestres constantes de solidaridá de la población asturiano que se traducen na ufierta de munches formes d’ayuda. Sicasí, la capacidá de recibir, almacenar y xestionar donaciones n’especie ye perlimitada, polo que tanto les ONG como los organismos internacionales tán llanzando llamamientos y pidimientos d’ayuda que s’enconten nun análisis de necesidaes y la estimación d’un presupuestu pa la so cobertura, respuesta que s’afái a les necesidaes de la población afectao.