L’Ayuntamientu de Xixón, al traviés de l’Axencial Llocal de Promoción Económica y Empléu, pon en marcha per primer vegada’l Programa 36Oº -Formación na meyora de la empleabilidá pa muyeres’.

Esti proyectu, que se realiza en collaboración cola Fundación Quiero Trabayu (FQT), va dirixío a muyeres empadronaes en Xixón. Trátase d’una mentorización al traviés de la cual desenvuélvense les competencies tresversales necesaries a la de buscar un empléu, poniendo’l focu naquelles muyeres en situación de vulnerabilidá. D’esta miente, les participantes van adquirir les capacidaes necesaries para’l so insertamientu llaboral con distintos conteníos como la formación online n’Intelixencia Emocional pal empléu y coaching, talleres grupales, sesiones de speed dating (cites rápides) con profesionales, etc.

El plazu d’inscripción pal Programa 360º’, que va empezar el próximu 5 d’ochobre, remata’l vienres, 30 de setiembre. Les persones interesaes pueden formalizar la so solicitú presencial por cita previa na ALPEE, per teléfonu (985 18 15 57) o per corréu electrónicu orientacion.empleogijon.es

Hasta esti vienres tamién tán abiertes les inscripciones pa participar na segunda edición del 2022 del Programa d’Activación Xuvenil, que’l so oxetivu ye ameyorar la empleabilidá de mozos menores de 30 años que nun tean desempeñando un puestu de trabayu o cursando formación.

Al rodiu de 100 participantes, un terciu ensin cualificación, otru terciu con estudios de formación profesional y el terciu restante con estudios universitarios, van recibir una tutorización individual, coaching, acciones de autoempleo, formación en ferramientes TIC y marca personal, etc. afechu al perfil profesional ya intereses a la d’incorporase al mercáu llaboral.

Les solicitúes tienen de realizase nel Departamentu d’Orientación Llaboral de l’Axencia Local d’Empléu, por cita previa nel teléfonu 985 181 557, per corréu electrónicu agenciadeactivaciongijon.es o na App Xixón.