Les biblioteques municipales de Xixón preparen la reapertura. La Fundación Municipal de Cultura yá planifica la vuelta al trabayu d’estes instalaciones después de más de dos meses pesllaes. El Conceyu decidió zarrar al públicu les instalaciones deportives, museos, biblioteques y centros municipales el vienres 13 de mayu, hores enantes de la declaración del Estáu d’Alarma.
La transicion a la nueva normalidá va ser progresiva. A partir del llunes, van empezar a recoyer les devoluciones nes biblioteques de La Calzada, Xixón Sur, El Coto y El Llano. Una selmana más tarde, tarán tamién disponibles pa devoluciones les d’El Natahoyo, El Polígono, Roces, Contrueces, La Camocha y Montiana. La biblioteca L’Arena va permanecer cerrada hasta nuevu avisu.
En toles biblioteques l’horariu d’apertura al públicu pa realizar devoluciones va ser de 9:00 a 14:00 hores de llunes a vienres. Les demorances producíes por cuenta de l’andanciu de coronavirus nun van xenerar nengún tipu de penalización. Les biblioteques municipales van reanudar el serviciu de préstamu de llibros cuando Asturies entre na Fase 3 de la desescalada, esto ye, a partir del llunes 8 de xunu. Dende esi momentu podrán retirase llibros de les instalaciones municipales, anque so pidimientu previu.
