Les piscines municipales de los complexos deportivos d’El Llano-Contrueces y La Calzada reabren esti llunes les sos puertes. También se van reabrir les inscripciones nos cursos de raqueta. D’esta manera, los centros del Patronatu Deportivu Municipal avancen na desescalada. L’usu va permitise, pero va ser necesariu acutar previamente les instalaciones pa usu individual.
Toles instalaciones d’estos dos equipamientos, sacantela sala de musculación y la sauna, va poder se utilizaes. Na segunda quincena del mes de xunetu retomaránse los cursos de raqueta. Van programase diez clases de tenias p’adultos y cuatro na categoría infantil con un máximu de diez alumnos por cursu. Nel casu del pádel, ufiertaránse cuatro clases pa la reciella y diez p’adultos con un aforu máximu de seis deportistes.
L’aforu tamién va tar controláu nel casu de les piscines, quedando lindáu al 30% de la so capacidá. Van poder nadar tres persones per cai nos vasos fondos y dos nos non profundos. L’accesu va ser llibre nes demás piscines d’usu llúdicu con un máximu de seis persones. Pero otro llau, amplíense los aforos al 50% nos pabellones, pasando de 10 a 15 deportistes, y na pista d’atletismu de Les Mestes, que medra de 45 a 70 deportistes per turnu. Na sala d’halterofilia del Palaciu de Deportes van poder permanecer ocho persones al tiempu, seis arqueros per turnu de 90 minutos en tiru con arcu. Dende esti llunes van poder utilizase vestuarios, taquilles y duches.
