Les instalaciones del Palaciu de Congresos Kursaal (Donostia-San Sebastián) fueron l’escenariu, esta fin de selmana, de la V edición del Sagardo Forum, l’alcuentru entamáu por Sagardoaren Lurraldea y dedicáu a la mazana y los sos derivaos, y a la cultura y el turismu en redol a la sidra. Y dientro d’esti marcu celebróse l’IV Concursu Internacional
de Sidra nel qu’espertos de too el mundu (sumilleres, enólogos, chefs, etc.) caten los distintos tipos de sidra, clasificaes en nueve categoríes.
Y ellí non solo tuvo presente’l Grupu El Gaitero sinón que la icónica firma asturiana, con más de 13 décades d’hestoria y les sos sidres presentes nos cinco continentes, vuelve del País Vascu con ocho nueves distinciones.
En total, trés oros, dos plates, dos bronces y, amás, la flamante reconocencia a la sidra El Gaitero Extra como la meyor na categoría «Sidra Moderno».
Les medayes d’oru recayeron n’El Gaitero Extra (categoría “Sidra Moderno” amás d’ostentar el títulu de meyor sidra de toes nesti apartáu), El Gaitero Etiqueta Negra (en “Esplumosa Premium”) y la sidra de xelu 1898 (en “Sidra de postre”).
Les medayes de plata fueron para Valle, Ballina y Fernández Brut Nature (“Esplumosa Premium”) y Gaiteru Spanish Cider Rede Grape (“Sidra de Sabores”).
Coles mesmes, El Gaitero Natural DOP y Gaitero Spanish Cider 100% apple alzáronse con dos medayes de bronce (na categoría “Sidra d’acidez dominante” y “Sidra Moderno”, respectivamente).
