El Concursu de Saltos Internacional Oficial de Xixón celebra la so septuaxésimu séptima edición que se va celebrar del miércoles al domingu 1 de setiembre nel Complexu Deportivu de Les Mestes. A lo llargo de los cinco díes de competición van tener llugar un total de 13 pruebes, 10 d’elles pertenecientes al CSIO 5 estrelles y, per sestu añu consecutivu, 3 pruebes empobinaes a caballos nuevos d’ente 6 y 7 años. Amás, van apurrise 14 trofeos adicionales. Ente toles pruebes destaca la popular Copa de Naciones, que celebra les sos bodes de plata’l vienres 30 d’agostu y onde España va tratar de revalidar l’ésitu llográu l’añu pasáu sobro una participación total de 12 selecciones y el Gran Premiu que cierra’l concursu JUE22AG.
Tocantes a la participación, anguaño va cuntar con 97 caballeru y amazones en representación de 21 países y más de 250 caballos (229 del CSIO 5 estrelles y 28 del CSI YH 1), lo que supon un récord d’asistencia al concursu. Al igual que na pasada edición, estableciéronse alcuerdos cola Federación Hípica del Principáu y cola Ruta Costa Astur, al traviés de la creación de dos places que consiguieron los caballeros Fidel Dávila ya Iván Serrano respectivamente.
Anguaño va cuntar con 97 caballeru y amazones en representación de 21 países y más de 250 caballos
La dirección técnica del CSIO, al igual que l’añu pasáu, volverá recayer na empresa in2strides, especializada nel mundu ecuestre, apurriendo la última tecnoloxía onde s’inclúi, ente otres coses, el cronometraxe. La presente edición va cuntar de nuevu con una aplicación móvil gratuita que dexa a los participantes xestionar les sos inscripciones y al públicu realizar un siguimientu de la competición.
En Les Mestes va poder esfrutase d’una completa ufierta d’ociu paralela al desenvolvimientu del concursu formada por apuestes deportivos, cafeteríes, hamburgueseríes, box-chigre, food-trucks, terraces, puestos de xelaos y llambionaes… Tamién se va disponer una zona de puestos comerciales. El públicu va poder escoyer la música que suene nel recintu. Amás, va haber actividaes lúdiques pa los más pequenos como’l poni-park y l’espaciu de xuegos enchibles, la fiesta de bienllegada nel Casinu, conciertos nel box-chigre de Mahou, la tradicional conxusta hípica nel Hotel Tryp Rei Pelayo y muncho más.
L’arribación de públicu a Les Mestes supera cada añu los 45.000 espectadores de distintes procedencies, lo que supon una media cimera a les 9.000 persones al día.
