Lidl inaugura’l nuevu supermercáu de Tremañes

La nueva tienda cunta con 125 places d'aparcamientu y una sala de vientes amplia

0
144

El nuevu supermercáu de Lidl en Tremañes yá ta abiertu al públicu. La tienda, que sutitúi a la de Juan Carlos I, entró en serviciu a primer hora d’esta mañana. L’establecimientu asítiase n’avenida de los Campones, 26. La nueva tienda cunta con 125 places d’aparcamientu y una sala de vientes amplia qu’ufierta un surtíu de máxima calidá con artículos saludables, frescos y de proximidá.

Lidl cunta con once supermercaos n’Asturies asitiaos n’Avilés, Grau, Uviéu, Llangréu y Xixón y da trabayu a un total de 250 persones. Cinco d’eses tiendes tan en Xixón. A lo llargo del día, los clientes del nuevu establecimientu van poder tastiar los quesos Roncero y van recibir de baldre una bolsa de rafia reutilizable.