Hasta’l 4 d’avientu permanez abierta la convocatoria del programa de Residencies en Llaboral Ciudá de la Cultura pa compañíes profesionales asturianes pal primer semestre de 2024. Van concedese un máximu de seis residencies, con ayudes económiques d’ente 1.000 y 4.000 euros per proyectu. Cada residencia va tener una duración máxima de cuatro selmanes, disponiendo mientres 21 díes de distintes sales d’ensayu y de ente 3 y 5 díes del espaciu escénicu del Teatru de la Llaboral. La compañía va cuntar amás con un responsable técnicu del equipu d’esti teatru pa dar soporte y cobertoria mientres el periodu de residencia, con un máximu de 110 hores, y va disponer de 30 hores de personal auxiliar pa cargar, descargar y mover escenografíes o materiales.
Anguaño, 12 compañíes y artistes llograron una Residencia en Llaboral Ciudá de la Cultura: De Carmela, Teatro a las Puertas, Teatro del Norte, Nun Tris, Miguel Rodríguez Monteavaro, Circo Bajo el Tejado, La Westia Producciones, Teatro del Cuervo, La Roca Producciones, Saltantes Teatro, Carlos Alba y Meraki Cía
Les bases del programa de Residencies pueden consultase na web.
