Llimpien d’especies invasores la buelga de Zeluán

L'actuación centróse na erradicación d'especies como'l plumeru de la pampa o l'acacia negra

0
86

La Conseyería de Desenvolvimientu Rural, Agroganadería y Pesca dio en la eliminación d’especies invasores y la meyora del hábitat de la buelga de Zeluán en Gozón. L’espaciu forma parte del Paisaxe Protexíu Cabu Bustu-Lluanco. L’actuación centróse na erradicación d’especies como’l plumeru de la pampa o l’acacia negra. Estes especies cubríen zones del perímetru de la llamarga, provocando la desecación del espaciu y torgando l’accesu de les aves a esta büelga na dómina iverniza.

Tamién se llimpiaron zones de recarga y drenaxe naturales, p’ameyorar la circulación llibre d’agua y favorecer asina la so renovación y calidá. Estos trabayos supunxeron una meyora de les condiciones p’acoyer l’avifauna que caracteriza esti espaciu protexíu y la capacidá hidráulica del mesmu.

Esta actuación, la primera llevada a cabu directamente sobre esta parte del espaciu protexíu, llega tres una serie d’estudios que respuenden por la compatibilidá de los mesmos colos valores medioambientales qu’atesora y la idoneidá de los tratamientos, nos que s’utilizaron técniques d’inxeniería medioambiental.