El sábadu 23 de xunetu la Badea de San Llorienzo va acoyer un Sunset Air Show, un festival de formatu más pequeñu qu’el del domingu, pero de gran espectacularidá y ye que nel mesmu van participar dos de los meyores patrulles del mundu en vuelu nocherniegu con pirotecnia (Pioneer Team, dende Italia y los famosos Aerosparx, dende Gran Bretaña). Esta ye la parrilla y los horarios del espectáculu:

  • Helicópteru Guardia Civil. 20:55 a 21:09 hores
  • ULM La Morgal. 21:09 a 21:19 hores.
  • Pioneer Team. 21:19 a 21:53 hores.
  • F18. 21:33 a 21:45 hores.
  • Descansu de 15 minutos (Pa conseguir la mayor oscuridá pa la llegada d’Aerosparx)
  • Aerosparx. 22:00 a 22:30 hores

Amás, el domingu 24 va celebrase tamién El Festival Aéreu Internacional de Xixón, que cumple en 2022 la XV edición, la XVI si tener en cuenta la edición dixital que s’entamó’l pasáu añu por cuenta de la pandemia. Ye’l Festival decanu de los certames aeronáuticos españoles y ta entamáu por Divertia, nel marcu de La Fiesta del Cielu, y cuenta cola dirección técnica de ACAE.

El Festival Aéreu 2022 va celebrase esti domingu 24 de xunetu dende les 12:00 hores y va cuntar cola participación d’aeronaves civiles y militares. Una vegada más, l’Exércitu del Aire y del Espaciu va collaborar nel certame con dalgunos de los sos medios aéreos. La exhibición aérea va rematar sobro les 14:45-15:00 hores.

El Festival Aéreu de Xixón cunta cola collaboración del Aeropuertu d’Asturies y de La Morgal, onde les aeronaves tienen les respectives bases. Coles mesmes, el certame cunta cola collaboración de delles marques, como KIA, Tierrastur-Crivencar y Bosquia.

El Festival Aéreu Internacional de Xixón ye’l platu fuerte” de La Fiesta del Cielo, qu’empezó’l vienres 15 de xunetu y na que s’organizaron:

Un Festival Nacional de Cometes, Xornaes d’Observación de les Estrelles dende l’Observatoriu Municipal de Deva, Xornaes de Avistamiento d’Aves, actividaes cola Federación de Deportes Aéreos del Principáu, talleres gratuitos pa más de 700 persones (Construcción de cometes, talleres del espaciu, de fabricación de cohetes, de control espacial, de realidá aumentada, etc, de iniciación a la telegrafía, etc), amás de les esposiciones de la Colexata San Juan Bautista, con presencia de aeromodelos, simuladores, maquetes de satélites, fotografíes de la Asoc. Spotter del Principáu d’Asturies….

La cita multitudinaria d’esta selmana foi ensin dulda la nueche de los Drones, na Sablera de Poniente, con 100 drones en vuelu nocherniegu, onde allegaron cien mil persones de públicu.