L’Ayuntamientu de Mieres, al traviés de la conceyalía de Cultura que dirixe Juan Ponte, entama un programa de visites guiaes al Pozu Santa Bárbara y a la esposición d’Anthony McCall Solid Lights, una muestra que llamó l’atención de la xente recibiendo una montonera de públicu cada día d’apertura dende la so inauguración el pasáu 15 d’ochobre. Teniendo en cuenta l’interés creáu pola pieza de lluz del artista británicu y el fechu de que seya un pozu mineru, concretamente’l primer pozu declaráu Bien d’Interés Cultural n’España, el que l’alberga, la Casa Conceyu decidió ufrir un programa de visites guiaes que combine les instalaciones en superficie del Pozu Santa Bárbara y la esposición. D’esta manera, les y los visitantes van poder conocer la hestoria del Pozu, mesmo que disfrutar de la lluz sólido de McCall ubicada na antigua sala de compresores del Pozu. Patrimoniu, hestoria y arte xuníos nunes visites que van desarrollase los siguientes díes: los sábados 6, 13, 20, 27 de payares, el vienres 3 d’avientu y los sábados 11 y 18 d’avientu, a les 16.30 y a las 18 hores.
Esta actividá y el tresporte dende Mieres, ye de baldre, siendo imprescindible inscripción previa nel corréu lletrónicu visitaspozusantabarbara@ayto-mieres.es, indicando nel mail nome, apellíos, teléfonu y si van facer usu del tresporte.
