La Universidá d’Uviéu va acoyer la presentación de la décima tesis n’asturianu y con esti añu, ya ye’l segundu consecutivu nel que se presenten dos tesis n’asturianu. Miguel Andrés Rodríguez Monteavaro va ser el doctorandu defensor d’esta tesis, dientro del programa oficial de doctoráu n’Investigaciones Humanístiques, que va xunise a la llista:
1988 > Aspeutos sociollingüísticos d’una parroquia xixonesa (Deva) > Ramón d’Andrés.
2007 > La fala de Trubia (Asturies): estudiu sincrónicu y diacrónicu, onomástica y aspectos sociollingüísticos > Pablo Suárez García.
2011 > El papel de los escritores del Surdimientu na recuperación del asturianu: la visión del escritor – Xuan Santori Vázquez.
2016 > Bases pa un Corpus de teatru n’Asturies – Antón Caamaño. (Na Universidá de Vigo).
2018 > L’allugamientu del dialeutu senabrés dientro del dominio ástur. Estudiu descriptivu de la fala senabresa – Xuan Xosé Lajo Martínez.
2019 > Estudios diacrónicos del paisaxe y el poblamientu nel noroeste ibéricu: el territoriu d’Ayande (sieglos I-XIII) – Andrés Menéndez Blanco.
2020 > La llingua asturiana nel Franquismu – Inaciu Galán.
2020 > El sistema de denominación de los neños abandonaos n’Asturies – Claudia Elena Menéndez.
2021 > Trabayar por proyectos na asignatura de Llingua Asturiana y Lliteratura na Educación Secundaria Obligatoria – Xurde Fernández.
2021 > Estudiu dialectométricu ente la frontera del asturianu central y l’asturianu occidental (EDACEO) – Miguel Andrés Rodríguez Monteavaro
La defensa va producise’l 20 d’avientu na Sala de Graos del Departamentu de Filoloxía Hispánica de la Universidá d’Uviéu a partir de les 10:30 y la entrada ye llibre.
