El Sporting fíxose colos servicios de Miroslav Djukić como nuevu entrenador del primer equipu. Queda pendiente de concretar la fecha de la so presentación oficial. Firma polo que resta de temporada, supeditada otra segunda campaña a oxetivos. Natural de Sabac (Serbia), nació’l 19 de febreru de 1966.
Como futbolista foi internacional en 48 ocasiones cola Selección de Yugoslavia. Empecipió la so carrera nel FK Mačva Šabac, del que fichó por FK Rad para xugar dempués nel Deportivu de la Coruña, Valencia y Tenerife. Como entrenador dirixió a la Selección sub-21 de Serbia, Partizan de Belgrado, Selección de Serbia, RE Mouscron (Bélxica), Hércules d’Alicante, Real Valladolid, Valencia, Córdoba, Al Shabab Al Arabi Club y Partizán de Belgrado.
