L’equipu de gobiernu de Xixón, qu’algamó l’alcaldía gracies al alcuerdu ente Foro, PP y Vox, celebró güei’l so primer añu na alcaldía con un videu difundíu al traviés de les redes sociales oficiales del Conceyu de Xixón. «Gijón, vamos a por más», ye un videu nel que se fai por vender los llogros de gobiernu, a mou de videu propagandísiticu. Apaecen los conceyales del equipu de gobiernu, toos menos el trasfúga Óliver Suárez, ex VOX, que sigue al frente de Divertia.
Los comentarios nun tardaron en llegar a la cuenta en X (enantes Twitter), denunciando l’usu electoral y partidista d’una cuenta oficial institucional. «Pero si tais faciendo propaganda electoral cola cuenta pública de Xixón», espresaba un ciudadanu. «¿Esto qué ye la cuenta de Foro Xixón agora?», protestaba otra ciudadana en X.
Amás de ciudadanos particulares, una de les primeres crítiques llegó dende la oposición, el conceyal y voceru d’Izquierda Xunida-Más País-IAS en Xixón, Javier Suárez Llana, espresaba asina’l descontentu por «un añu utilizando medios institucionales pa facer propaganda del partíu»:
Un año de gobierno utilizando medios institucionales para hacer propaganda de partido. A esto se dedican Moriyón y los suyos: a utilizar lo que es de todos para su propio beneficio. A esto es a lo que vienen a las instituciones.
PD: adivinad qué concejal de gobierno no sale. https://t.co/JvKXq9kLVP
— Javier Suárez Llana 🇵🇸 (@jsllana) June 17, 2024
