Llutu nel mundu del fútbol. El comentarista, presentador de televisión y exfutbolista Michael Robinson finó esti martes en Madrid a los 61 años d’edá a consecuencia d’un cáncer incurable. Foi la so familia quien, al traviés de Twitter, informó de la murnia noticia. «Con terrible tristura comunicámosvos el fallecimientu de Michael. Déxanos un gran vacíu, pero tamién innumberables alcordances, llenos del mesmu amor que-y demostrastis. vamos tavos eternamente agradecíos por faer a esti home TAN FELIZ, nunca nun caminó solu. Gracies».
Michael Robinson nació en Leicester en 1958. Mientres la so etapa como xugador de fútbol desempeñó la posición de delanteru en diversos equipos d’Inglaterra. Al poco tiempu de la so retirada deportiva, Robinson debutó como comentarista en Televisión Española. En 1990 fichó por Canal+, conviertiéndose nún de los narradores de fútbol más reconocible de la canal. Dende 2007 dirixe y presenta l’espaciu de periodismu deportivu Informe Robinson en Movistar+.
