Multen con 590 euros al conductor d’un patinete que dio positivu n’alcoholemia

0
352
Vehículos de la Policía local de Xixón. / Archivu
Vehículos de la Policía local de Xixón. / Archivu

La Policía Local multó esta madrugada a un home de 34 años que circulaba con un patinete lléctricu ensin respetar les normes de circulación básiques. Los fechos tuvieron llugar a  les 4:25 hores d’esta madrugada ente l’Avenida de Schultz y la cai Juan Alvargonzález. El varón desplazábase utilizando indistintamente la cera, los pasos de peatones y la calzada.

El conductor d’esti vehículu dio positivu nes pruebes d’alcoholemia, polo que foi denunciáu alministrativamente por alcoholemia, infracción bien grave que lleva una sanción de 500 euros. Nun-y quitaren puntos del carné de conducir al nun se considerar vehículu a motor. Amás, foi denunciáu por incumplir la Ordenanza Municipal de Circulación y Tresporte al nun respetar la señalización. Trátase d’una infracción leve que trai una multa de 90 euros. El patinete foi inmovilizáu y retiráu el Depósitu Municipal.