Murilo, primer entrenamientu colos compañeros nuevos

Marc Valiente, con prevención polos siete puntos de sutura

0
1207
Murilo
Un momentu del entranamientu d'esti llunes. / Juan Llavio (Real Sporting)

Marc Valiente tornó de Tenerife con siete puntos de sutura. El xugador sufrió una ferida incisa nel arcu cimeru de la so ceya esquierda. La evolución ye bona, pero mientres encarna la ferida, el central trabaya con prevención en cuanto al xuegu aéreu. Sicasí, ta a disposición pal partíu del próximu domingu n’El Molinón, cuando’l Sporting va recibir al Mirandés, únicu superviviente de LaLiga SmartBank na Copa del Rei.

Con vistes a recibir a los burgaleses, Dukic tien la única baxa médica de Carlos Cordero, nel tramu final de la recuperación de la fisura de peroné que sufrió. Nun hai sancionaos. Murilo celebra esti llunes el so primer entrenamientu col equipu xixonés. El Mirandés, vien d’empatar nel so feudu énte’l Rayo. Caltiense invictu nesti 2020, con un partíu ligueru pendiente énte’l Zaragoza y col Villarreal como próximu adversariu en Copa (cuartos de final) esti próximu miércoles en Anduva, de nuevu con eliminatoria a partíu únicu.