El cantante cántabru Nando Agüeros repasa los sos 20 años de carrera sobro los escenarios con una xira que va llegar el 28 de febreru a Xixón. L’artista llanza un nuevu trabayu discográficu, en doble formáu de CD y DVD, qu’inclúi parte del conciertu qu’ufiertó va un añu nel Palaciu de Festivales de Cantabria y un documental sobro la so carrera. La nueva xira empieza’l 8 de febreru en Madrid, y va llegar al teatru de la Llaboral el 28 de febreru. Les entraes yá tán a la venta. L’autor de Vientu del Norte, destacó’l «emotivu» recital que’ufiertó en Santander el 3 de payares de 2018 arrodiáu d’otros artistes como Víctor Manuel, Diana Navarro, Almudena López y el so hermanu Sergio.
