Ñaz Zona Diversa Festival, un eventu destináu a visibilizar la diversidá y l’igualdá y favorecer la participación social nel ámbitu de la cultura, nun espaciu integradora y accesible.
El director xeneral de l’Axenda 2030, Juan Ponte, presentó güei la iniciativa, que se va celebrar el próximu vienres na plaza del Paragües d’Uviéu, y va amosar el trabayu de diversos colectivos al traviés d’actuaciones y ritmos nun espaciu que va cuntar con llinguaxe de signos y baños afechos pa garantizar l’accesibilidá.
“Enfocamos Zona Diversa al traviés del derechu a la cultura y la promoción de la participación social y l’accesibilidá universal en toles situaciones», destacó Ponte, quien resaltó que con esta actividá tamién se tienen en cuenta otra serie d’Oxetivos de Desenvolvimientu Sostenible (ODS) como la promoción de la salú, el bienestar, la educación, la igualdá de xéneru o’l trabayu decente.
El director destacó «el deber» de toles instancies sociales na promoción de l’accesibilidá universal» pa que cualquier persona pueda llevar la vida que llibremente escueya. Nesti sentíu, esplicó, «les discapacidaes nun son fallos, sinón elementos pervalibles de diversidá».
El festival va abrir a les 19:00 hores en con Sâ Ba. Dj Set y les actuaciones de TOC-Faes (Estigma Queen); Habitados, que va poner n’escena una pieza de danza comuñal con música en directu de Davide Salvado y Cibrán Seixo. Tamién va participar Oiga, mire, vea, cola so danza performativa más una pieza coreográfica que va ser realizada por Natasha Ortiz, acompañáu de paisaxe sonoro pola Cachetona; y TechnoGuajas y D.Set, un colectivu asturianu de música electrónica. El festival presentar Telmo Irureta.
