• La norma preve zarros perimetrales de conceyos, la clausura del interior de los establecimientos hosteleros y xuntes d’un máximu de cuatro persones cuando la situación lo aconseye
  • La Conseyería de Salú va siguir monitorizando a diariu la evolución de los casos en tolos conceyos pa adoptar decisiones
  • El nuevu resolvimientu, que se va publicar el próximu llunes nel BOPA, va entrar a valir a les 00:00 hores del martes, 19 de xineru

El Gobiernu d’Asturies va implantar a partir de la próxima selmana una estratexa de midíes
restrictives basaes en criterios demográficos ya indicadores de riesgu coles mires de reforzar la protección de la ciudadanía frente al coronavirus y anticipase al recrudecimientu de la pandemia.

La Conseyería de Salú ultima un nuevu resolvimientu que va incluyir zarros
perimetrales de conceyos, la clausura del interior de los establecimientos
d’hostelería y xuntes d’un máximu de cuatro persones naquellos conceyos que superen determinaos umbrales d’incidencia establecíos a 14 díes y los de trazabilidad de la tresmisión del virus. Esta decisión, que s’adopta tomando en considerancia que l’algame
del andanciu ye inda desigual nes distintes árees xeográfiques, va traer
la monitorización diaria de los distintos conceyos.
La norma, que se va publicar el próximu llunes nel Boletín Oficial del Principáu (Bopa), va entrar a valir a les 00:00 hores del martes, 19 de xineru..

Estremóse a los conceyos en trés grupos:

GRUPU 1: conceyos con más de 30.000 habitantes

GRUPU 2: ente 10.000 y 30.000 habitantes

GRUPU 3: menos de 10.000 habitantes

Si nos conceyos del GRUPU 1 (Uviéu, Xixón, Avilés, Llangréu y Mieres) diérase unu d’estos dos supuestos:

  1. Incidencia acumulada 14 díes+Trazabilidad >=325 casos/100.000 habitantes y <=75 más de 3 díes

2. Incidencia acumulada 14 díes>65 años+Trazabilidad
>195 casos/100.000 habitantes <=75 mientres más de 3 díes

Aplicar de forma inmediata mientres 14 díes les siguientes midíes:

  1. Zarru perimetral del conceyu
  2. Cierre de centros comerciales, sacantes comercios d’alimentación esencial
  3. En comercios de más de 300 metros cuadraos allugaos fora de grandes superficies, amenorgamientu del aforu un 20%
  4. Zarru del interior de los establecimientos d’hostelería, déxase’l consumu en terraza
  5. Suspendida l’actividá nel interior de centros deportivos y ximnasios
  6. Grupos llindaos a 4 persones
  7. Nes cases, namá convivientes