La llínea 3 del Metro de Madrid va tar dedicada esti mes a la Copa Davis. El tornéu internacional de tenis va disputar les sos finales per primer vegada en Madrid, na Caxa Máxica, ente los díes 18 y 24 de payares. Hasta esi mesmu día, en caúna de les 18 estaciones que conformen la llínea 3 del suburbanu madrilanu pueden vese los nomes de los xugadores d’una de les 18 selecciones participantes.
La estación de Sol, la más céntrica de toes y la que más viaxeros recibe de tola rede de Metro, ta dedicada a la selección española. Asina, xuntu al nome de la estación pueden vese los de cada unu de los integrantes del equipu anfitrión. Ente ellos ta el del xixonés Pablo Carreño, que figura xunto a los nomes de Rafa Nadal, Roberto Bautista, Feliciano López y Marcel Granollers.
Les demás estaciones de la llínea : Moncloa-Francia, Arguelles-Arxentina, Ventura Rodríguez-Serbia, Plaza d’España- Reinu Xuníu, Callao-Italia, Lavapiés- Rusia, Embajadores-Canadá, Palos de la Frontera-Xapón, Delicias-Australia, Legapzi-Colombia, Almendrales-Chile, Hospital 12 de Octubre-Alemaña, San Fermín-Orcasur- Estaos Xuníos, Ciudad de los Ángeles-Cazayistán, Villaverde Bajo-Cruce- Holanda, San Cristóbal-Bélxica y Villaverde Alto-Croacia.
